అంశం - రేపటి కోసం
తేదీ - 29-04-2019
శీర్షిక - పిపీలికమే మేలు....
సంఖ్య - 171
సమున్నతం మానవ జీవనం
సరదాగా నానుడి చెప్పుకోడానికి....
కలికాలమో కానికాలమో కానీ
అవసరాలు తీర్చుకుని
హాయిగా బతకాల్సిన మనిషి
ఆశలు పెరిగి, అత్యాశలకు మరిగి
రాబోయే తరాలు... కాదు కాదు తరతరాలు కూడా
రాజరికం చేయాలనే సంకల్పముతో ...
రాయి రప్పలను సైతం వదలక
రాత్రనక పగలనక, రాక్షసత్వపు ముసుగులో
పవిత్ర ప్రకృతిని పతనం చేస్తూ
పచ్చదనాన్ని హరించేస్తూ
భూమిని బుగులు పరిచి గుళ్లబారుస్తూ
నదులను నాశనం చేస్తూ
పర్యావరణాన్ని ధ్వంసం గావిస్తూ
ప్రశాంత జీవితాలను పరిహాసం చేసుకుంటూ
కాలం మార్చి ఖర్మ కాల్చి
స్వార్థం పెంచుకుని , రేపటి తరాల కోసమంటూ...
పాకులాడుతూ.....
తాను కూర్చున్న కొమ్మను
తానే నరుక్కుంటున్న తామసుడు.
ఉచ్చ నీచములు మరిచి,పాప భీతులు మాని
ఉన్న తరాన్ని ఉసురు పోసుకుంటున్న
ఉపద్రవ వాది....
చిన్న చూపు చూడమనుకుంటే....
సహనానికి,సంఘటితానికి,ముందు చూపుకు,
స్వార్థరహితానికి,సాధక బాధకాలకు,
శ్రమ సౌందర్యానికి,పర్యావరణ హితానికి
పిపీలికం హద్దు ఎంతో ముద్దు..
No comments:
Post a Comment