చుట్టం చూపు

అంశం : చుట్టం చూపు 

తేదీ : 05-10-2018

శీర్షిక :  అంటి ముట్టనట్టు 

సంఖ్య : 71

అరయ బాల్యమందు 

అమ్మ నాన్నలు గాదె  

ఆత్మీయతలు పంచి 

అరడజను మంది పిల్లలైనను 

అక్కున చేర్చుకుని 

అరికాలుకు మట్టి అంటనీయక 

అలవోకగా పెంచి పెద్ద జేయ. 

ఆనక ఆ పిల్లలే 

పెరిగి పెద్దయ్యి 

పిల్ల పాప కలిగాక

ముందు చూపే గాని,

అయ్యవ్వలప్పుడు  

చుట్టపు చూపోలె 

ఇచ్చపు ముచట్లకైన 

నొచోకోక 

నొచ్చుకొనుటె గాని 

మెచ్చుకోలు లేని 

జీవితమై నిలిచె....

అంటిముట్టనట్టుండు 

అంతమంది గూడ.....   

కలి ధర్మమెందుకో 

కరుణ జూపదే !

రక్త మాంసాలను  

రంగరించి పంచుకున్నా  

అన్నదమ్ముల మధ్య
ఆడపిల్లగ  పుట్టినందుకు

చుట్టపు చూపొలె 

వచ్చి పోవు పుట్టింటికి.