మట్టి పరిమళం

అంశం : మట్టి పరిమళం
శీర్షిక : మట్టి పరిమళం
తేదీ : 01-10-2018
సంఖ్య : 69


పంచ భూతముల ప్రతి రూపమే కదా !
పావనమై నిలిచిన మానవ జన్మ.

పంచభూతముల వితరణలే  కదా !
ప్రాణ పోషణకు  అనుక్షణం. 

సహజసిద్ధమైన సద్గుణమే కదా !
పవిత్ర ప్రేమకు తార్కాణం.

ఎండిన భూమికి మొదటి చినుకు
ఎదలు నింపును మట్టి పరిమళాలతో

రైతు సాగును ఏరువాకకు!
రమ్యమైన ప్రకృతి రంజింప. 

మట్టి పరిమళాల పెట్టుబడే కదా !
తనువు పోషణకు భూషణాలు.

తదాత్మ్యం పొందని మానవుడున్నాడా ?
పుట్టి పెరిగిన భూమిని ప్రేమిస్తూ.

తరచి చూస్తే  చరితలన్నీ
తప్పక దొరుకును ఆధారాలెన్నో.

నగునూరి రాజన్న
కరీంనగర్ (HYD)