వేములవాడ రాజరాజేశ్వర స్వామి భజన గీతం

వేములవాడ రాజన్నా
బోలాశంకర  ఈశ్వరా

ముడుపులు కట్టి మొక్కేము 
యిడుములు బాపి రక్షించుమయా

గుండములోన స్నాన మాడెదo
నిండుగ మమ్ము దీవించుమయా

అభిషేకించి అర్చించేదమూ 
ఆదరించి మము కాపాడుమయా   

అన్నపూజ తో కొలిచెదము
ఆర్తితో మమ్ము ఆదరించుమయా

కోడెను కట్టి మొక్కెదము 
కోరికలన్నీ తీర్చుమయా

మాలలు కట్టి పూజించెదము 
మదిలో నిన్నే నిలిపెదమూ

నిత్య కళ్యాణము చేసెదము 
పచ్చ తోరణమై కావుమయా        

గండ దీపమును వెలిగించెదము
మా గండములన్నీ బాపుమయా

భక్తితో నిన్ను భజియించేదము
ముక్తిని మాకు ఒసగుమయా