బాలశిక్ష
5 -2 -2020
శీర్షిక -బహుముఖ ప్రజ్ఞాశాలి
బాల్యంలో శిక్షణ ఇచ్చి
భవిష్యత్తుపై భరోసా కల్పించి
బతుకు క్షేత్రంలో మార్గమేర్పరచు....
అచ్చులు హల్లుల మచ్చు తెలిపి
ఒత్తుల ద్విత్తముల కిటుకు విప్పి
సంయుక్తముల సానువుల బోధించు...
వర్ణమాల మొదలుకుని
పద సంపదలో పట్టు నేర్పి
సంధి సమాసములకు దారి చూపు....
గద్య పద్య గీత గానములకు కేంద్రమై
అలంకారములకు అశనిపాతమై
ఛందస్సుతో విందు చేయు......
భాషా భాగములేకాదు సంఖ్యల సవ్వడి
ఎక్కములను లెక్కించే సులభములు
సాంప్రాదాయములు సాంకేతికములు అన్నీ....
అది ఇది అను తేడా లేదు
అలవోకగా కథలు కమామీషులు
చరిత్రలు నీతులు నియమాలు అన్నీ తానే....
బహుముఖ ప్రజ్ఞాశాలి బతుకు బాటసారి.
నగునూరి రాజన్న
No comments:
Post a Comment