నగునూరి రాజన్న
నువ్వు నేను
తేదీ - 29-01-2020
శీర్షిక - సంఘజీవనం.....
సంఖ్య - 350
అపురూపం మానవ జన్మం
అసమానం మానవ మేధం
అనితర సాధనం మాయా ఛేదనమ్
ఆత్మ పరమాత్మల అను సంధానం....
అక్షరాస్యతలెరుగని ఆ కాలాన
ఆచరించిన అనాగరికాలేమో .....
అహింస పరమోధర్మం అన్నా
ఆగని ఎదురు చూపులే ఈనాటికి ....
గమ్మత్తుల వలలలో చిక్కిన
తూగులాటల నాటి జనాలు
మత్తు వదలరా సోదరా అంటే...
చిత్తుగా తాగేస్తూనే ఉన్నారు ....
దైవ రూపాలను దర్షింపజేసినా
పాప పుణ్యాలను పాటింప జేసినా
గురు బోధనలను సంధింపజేసినా
క్రమ శిక్షణలను కఠినతరం చేసినా ....
నీవు నేననే ఏ గీటురాయైనా
సాటి మనిషిని సాదరంగా
ఆదరించమనే మార్గదర్శనమునకే ....
నాడైనా నేడైనా ఏనాడైనా
నీవు లేక నేను లేననే
సాంగత్య సంఘ జీవనమే
సదా నమ్మినది మానవాళి......
నగునూరి రాజన్న
కరీంనగర్
No comments:
Post a Comment