నగునూరి రాజన్న
నేత్ర దర్శనం
తేదీ - 31-01-2020
శీర్షిక - నేత్రానందం
సంఖ్య - 351
అమ్మా నాన్నల పల్లె పెంపకం
ఆత్మీయతలకు కొదువలేదు
అలుపెరుగని రెక్కల కష్టానికి
ఆధ్యాత్మికత అంతంత మాత్రమే
రాష్ట్ర విభజనల ఆందోళనలతో
రాటు తేలిన గుండె గాయాలతో
రాగద్వేషాలు లేని బతుకులతో
సగటు మార్కులతో సరిహద్దు దాటాం.
అమ్మా నాన్నల ఆశీర్వాదల బలమో
పూర్వ జన్మల పుణ్యాల సుకృతమో
కేంద్ర ప్రభుత్వరంగ విద్యుత్ సంస్థలో
ఘన గణకుడిగ ఉద్యోగ బాధ్యతలు....
అడపా దడపా ఆలయాల దర్శనాలు
అనుకోకుండా చూసిన అయ్యప్ప పూజలు....
అంతా ఆనందాలు గడుపుతున్న క్షణం ...
సోదరుని ఆరోగ్యం పెను తుఫానైన వేళా.....
హరిహర సుతున్ని ఆశ్రయించిన వేళ
మండల దీక్షతో స్వామి శరణమంటూ
ప్రతి ఉభయ సంధ్యల
గురు ముఖమున
సంతృప్తిగా స్వామి పూజల కోలాహలమే....
ఇరుముడి శిరమున ఇముడ్చుకుని
అయ్యప్ప శరణమని యాత్ర ఆరంభించి
పద్దెనిమిది గంటలు పెద్దపాదం నడిచి
పగలు
రాత్రి
కొండలెన్నో ఎక్కి దిగి శబరిమళ చేరి
పంబలోన స్నానమాడి పవిత్ర పడిని
కళ్ళకద్దుకుని సన్నిధానం సందర్శించి .....
జ్యోతి గాంచిన నేత్రానందం
చాలు చాలు ఈ జన్మంటూ
అచ్చెరువొందిన ఆ క్షణం
అలౌకికమైన ఆత్మానందం
మరువలేనిది మరిచిపోనిది
మళ్ళీ మళ్ళీ దొరకనిది ........
నగునూరి రాజన్న
కరీంనగర్
No comments:
Post a Comment