చీకట్లో చిరు దీపం

నగునూరి రాజన్న

చీకట్లో చిరు దీపం 

తేదీ - 07-02-2020

శీర్షిక - జాతి వెలుగులకు మూలం ... 

సంఖ్య - 356

కాలరీస్ కార్మికులం కష్ట జీవులమండి 

భూమి పొరల్లోన బ్రతుకులీడుస్తుంటం 

రోజుకో తడవ మాకు పునర్జన్మ సుమండీ 

భూదేవి ఒడిలోకి వెళ్లి వస్తూంటాము ..... 

మేనేజర్లు  అండర్ మేనేజర్లు ఓవర్ మెన్లు
మైనింగ్ సర్దార్లు మా పనులకు సూపర్ వైజర్లు...
సర్వేయర్ల ప్రణాళికలతో మేనేజర్లు వివరించంగ
సీములన్నీ దాటుకుంటూ పనిస్థలం చేరుకుంటం...

కోల్ కట్టర్లు డ్రిల్లింగులు చేయంగ
షాట్ ఫైరర్లు మందు నింపి పేల్చగ
సర్దారులు ముందుండి నడిపించగ
ఓవర్ మెన్లు మమ్ము  కనిపెడుతూంటారు .....

కూలిన కోల్ పెల్లలను తట్టలతో తలకెత్తుకుని
లాడీస్ లను నింపేది కోల్ ఫిల్లర్ సోదరుడు !
బావిలోన నీటిని ప్రతి క్షణం పంపింగ్ చేస్తూ
పని స్థలాలను పరి రక్షించేది పంప్ డ్రైవర్లు నేస్తమా !

ఎప్పటికప్పుడుకొత్త కొత్త లైన్లు వేస్తూ
లాడీస్ ల కదలికలను నియంత్రించేది లైన్ మెన్లు!
లారీలతో  కోల్ తరలింపులకు లారీ  డ్రైవర్లు
సంక్షేమం బాగోగులకు కాంటీన్ స్టాఫ్ సరే సరి .....

రూఫులన్నీ సరిచేస్తూ రూటు మాకు చూపే
టింబర్మెన్ కూడా మెంబరే  మా టీమ్ లోన...
భారమైన సామాన్లను బాధ్యతతో మోసుకొచ్చి
బావిలోన ప్రతి పనికి బాటలు వేసేది టిండాలు సోదరుడు...

లాడీసులను లాగించేది ట్రామార్ సోదరులైతే
ఆక్షీజన్ అందించేది ఫాను డ్రైవరు మిత్రమా....
నైపుణ్యపు పనులకై ఎలక్ట్రీషియన్ ఫిట్టర్
బ్లాక్ స్మిత్ కార్పెంటర్  సదా మాకు సహకరిస్తుంటారు  ...

ప్రతి క్యాటగిరీలోని ఖాళీలను పలుకరిస్తూ
పనుల్లో లీనమయ్యేది జనరల్ మజ్దూర్లు సోదరా...
ఖమ్మంలో హెడ్డాఫీసు ధన్బాద్ నియంత్రణలు 



రక్షణకు రాచ మార్గాలు సదా మాకు ఏర్పరచగా...

కష్టాల కడలిలో కలుషిత వాతావరణంలో
దుమ్ము ధూళితో నిత్యం పోరాడుతూ
చీకట్లో తలపై చిరు దీపం సహకరిస్తేనే .....
జాతి వెలుగుల కోసం కదం కలిపి నడుస్తున్నం ....

నగునూరి రాజన్న

కరీంనగర్