కవచం

నగునూరి రాజన్న

కవచం 

03-02-2020

శీర్షిక - హెల్మెట్టు 

సంఖ్య 353

పల్లె పట్నం తేడా లేదు 

ఎల్లెడలా పరుగుల జీవితం 

సర్వాంగానాం శిరస్సు ప్రథమం 

షష్టమ ప్రాణసమం శిరస్త్రాణం 

అవసరాలే పెరిగాయో 

దూరాభారాలే  తగ్గాయో  

చిన్నా పెద్దా దూరానికైనా 

తప్పని ఎదో ఒక్క వాహనం

జనాభానే పెరిగిందో 

జవాబుదారీ తగ్గిందో 

కలుషితాల జీవనయానం  

కళ తప్పిన రహదార్లమయం

 

జనహితం లేని పాలనలు 

జవసత్వాలు లేని అధికారులు 

మత్తు మీద సత్తు బిళ్ళలు 

మధ్య తరగతి బతుకుల నలుగులు 

పరుగు పరుగుల జీవితాన  

పట్టుదలతో హెల్మెట్టు ధరిస్తేనే 

పదిలమౌ  పంచ ప్రాణాలు  

పండుగౌ ఎదురు చూపుల గుమ్మం 

నగునూరి రాజన్న 

కరీంనగర్