అ..ఆ...అం...ఆః మాతృ భాష

అ  అమృత తుల్యం మన తల్లి      

      భాష అదే మన తెలుగు   

      భాష మిత్రమా

ఆ  ఆదికవి నన్నయ్యతో 

      వెలుగులీని 

      వైభవమొందెను

ఇ. ఇంతటి వైభవాన్ని 

     నిలుపడానికి ఇంటి నుండే

     ప్రారంభిద్దాం మన 

     ప్రయత్నం

ఈ ప్రయత్నానికి ఈశ్వర కటాక్షం 

     తోడు నిలువగా

ఉ. ఉడతా భక్తిగా ప్రతివారు 

       తోడ్పాటు అందిస్తే

ఊ. ఊరూరు కలియ తిరిగి

       వివిధ మాతృ భాషా కార్య 

       క్రమాలు నిర్వహిస్తూ రాష్ట్ర  

        ఖ్యాతిని భాష ఖ్యాతిని

ఎ  ఎవరెస్ట్ సరసననిలబెట్టి

ఏ. ఏమరుపాటు  /ఏనాడు 

      అశ్రద్ద చేయక ముందుకు 

      సాగిపోతూ

ఐ  ఐకమత్యం ప్రదర్శిస్తూ 

      మాతృ భాషా మకరందాన్ని

      ముందు తరాలకు 

      అందించడానికి 

ఒ. ఒకే మాట ఒకే బాటలా  

     ఒకరికి ఒకరమై ఒద్దికైన 

     తీరుతో మాతృభాష తెలుగును
     మన పిల్లలకు

ఓం ఓంకారంతోనె మొదలెట్టి

       భాష పైన పట్టు వరకు 

       నేర్పించి

ఔ   ఔరా అనిపించవలె మన 

      ప్రయత్నం / ఫలితం

అం. అందుకు  

       ఉపక్రమించవలె 

        మనమందరం

ఆః.  ఆహా ఆత్మసాక్షిగా 

        నెరవేర్చగలిగినప్పుడే 

       గదా తల్లి భాష ఋణం 

      తీర్చుకున్న సంతానముగా 

      చరిత్రలో ధన్యమగును 

      మన జీవితం.