మాధ్యమాలు, సాంఘీక మాధ్యమాలు

భావ మార్పిడి ఉపకారణాలే భాషా మాధ్యమాలై నిలిచాయి. 

నాణానికి రెండు వైపుల వలె నెలవు మాధ్యమం మంచి చెడులకు. 

అనేక రకాల మాధ్యమాలలో అనితరమై నిలిచాయి 

వార్తాపత్రికలు, సెల్యూలాయిడ్ (సినిమాలు). 

సత్ మాధ్యమాల సంఘర్షణల ఘనతే మనకు 

స్వాతంత్య్రములు సమకూర్చినవి. 

నాలుగు పాదాల సమాహారం నాడు ధర్మ పాలనమైతే 

చతుర్వ్యవస్థల ప్రజా పాలన మాధ్యమంతో పరిపుష్ఠం 

వందలేండ్లు మాధ్యమాలే చరిత్రల నేలినా 

అందరు మెచ్చే నీతి, నాణ్యతలే ఆదరించబడ్డాయి . 

అనతి కాలంలో వినుతికెక్కిన సాంఘీక మాధ్యమాల సందళ్ళతో 

వార్తల చేరవేతలో వాటమైన వడి పెరిగిన మాట నిజం. 

ఢిల్లీకి రాజైన ఓ తల్లికి కొడుకే అన్నట్టు 

మాధ్యమాలైనా, సాంఘీక మాధ్యమాలైన 

సరైన నాయకుని ఆధ్వర్యములో సమగ్ర నియంత్రణ లేకుంటే 

సంఘం (దేశం) సతమతమయ్యి అతలాకుతలం అవుతుంది.