గాంధీజీ/శాస్త్రీజీ (గ్రామస్వరాజ్యం)

నగునూరి రాజన్న
అంశం - గాంధీజీ/శాస్త్రీజీ (గ్రామస్వరాజ్యం)
తేదీ  02-10-2019
శీర్షిక - అంతా తూచ్.....
సంఖ్య -302

జయంతులు సమమయిన జయకేతనాలు 

ఖగోళాన నిలిచిన జాతి జంట నక్షత్రాలు 

భారతావనికి  భగవంతుడిచ్చిన సూర్యచంద్రులు 

తెల్లోడి  మెడలు వంచి నిలిచిన ఖడ్గం
అహింస సత్యాగ్రహముల శాంతి మంత్రం....
ఆసేతు హిమాచలాన్ని ఐక్యతగ  నిలిపింది
మోహన్ దాస్ కరంచంద్ గాంధీజీ చేతి తంత్రం

పొరుగు ముష్కరుల పాలిట సింహ స్వప్నమై
శతగ్నులు పేల్చి జూలు విదిల్చిన సింహం ...
హరిత విప్లవానికి  బాటలు వేసిన వైనం
జై జవాను జై కిసాన్ శాస్త్రి గారి  నినాదం

స్వార్థమెరుగని సచ్చరిత సరంగులు
నిరాడంబరతకు నిలువెత్తు నిదర్శనాలు
పదవులంటే పాకులాడని నాయకులు
సాకులు తెలియని నాయక సాక్ష్యాలు...

ఆర్థికతను సాంతం అర్థం చేసుకుని
సామాజికతను ప్రేమగ  చంకనేసుకుని
బాధ్యతల బరువులను పంచుకుని
పల్లెలు పరిపుష్టమైతేనే ప్రగతి సాధన
అన్నారు ఆనాటి నాయకులు....

దెబ్బదేండ్లు గడిచినా ఇబ్బందులే ఇంకా  ....
పల్లె ప్రగతి కాదు ... పాలకుల ప్రగతే ...
చర్చల దశ దాటదు ప్రణాళికల దశ చేరదు
అమలు దశకు ఆమడల దూరం.....
అధికారమైనా  అప్పోజిషన్ అయినా
అంతా పకడ్బందీనే ...  ఆనవాలు లేకుండా....
కాగితాలకే పరిమితం ... అంతా తూచ్......

నగునూరి రాజన్న
కరీంనగర్ (USA)